Page 12 - AWM 1JULY2017

12 AWEMainta Diasabra, 1 Juli 2017

Delegacion di Aruba di Unesco DI 19 pa 23 di juni 2017, un delegacion di

a realisa un mision na Aruba Organisacion di Nacionnan Uni pa Educa-
cion, Ciencia y Cultura (UNESCO), dirigi
pa sra. Katherine Muller-Marin, represent-
ante di UNESCO na Aruba y Directora di
Oficina Regional di Cultura di UNESCO
pa America Latina y Caribe, a realisa un
mision na Aruba pa desaroya un strategia
di pais pa asistencia tecnico di UNESCO
pa Aruba riba e terenonan di accion di e
Organisacion.
Sra. Muller-Marin y e delegacion a wordo
compaña pa sr. Luc Alofs, Presidente di
Comision Nacional di Aruba pa UNESCO,
y sra. Zetsia Ponson, Secretaria General di
Comision Nacional di Aruba pa UNESCO.

E team di UNESCO a reuni cu e partnernan
nacional y e departamentonan guberna-
mental pa identifica e areanan di prioridad
pa loke ta trata Cultura, Educacion, Cienci-
anan Natural, Comunicacion y Informacion
y Ciencianan Social y Humano.

Durante un encuentro cu e Prome Ministro,
a discuti e accionnan strategico p’e esfuer-
sonan conhunto entre Aruba y UNESCO
p’e proximo añanan.

E prioridadnan ta inclui apoyo n’e Plan
Strategico Nacional di Educacion y e
Prioridadnan Nacional di Cultura, segun
e Plan di Trabou Regional di UNESCO
pa Cultura den America Latina y Caribe,
contribuyendo n’e implementacion di e Ob-
hetivonan di Desaroyo Sostenibel (SDGs),
Alfabetizacion di Informacion di Medionan
di Comunicacion, Bio-Diversidad y Conser-
vacion di Patrimonio Maritimo

UNESCO tambe lo duna asistencia tec-
nico na Parlamento Hubenil, un Club di
UNESCO, y tambe lo traha conhuntamente
pa mehora e preparacion pa casonan di de-
sastre, reduccion di e risico y sistemanan di
alerta riba e isla.
Sr. Marck Oduber, coordinador di e Comis-
ion Nacional di Aruba pa Ciencianan Natu-
ral, lo lidera e preparacion di un proposi-
cion pa implementa e contesta integral y
multisectoral cu lo contribui n’e seguridad
y sostenibilidad di e isla.

E esfuersonan hunto lo keda reforsa pa
medio di e coordinacion cu counterparts
regional, e Delegacion Permanente di Hu-
landa pa UNESCO y otro stakeholders
cu lo reuni durante e di 39 Reunion di e
Conferencia General di UNESCO cual ta
tuma lugar na Paris, Francia, na comienso
di november 2017.