Page 2 - AWEMAINTA
P. 2
2 AWEMainta Diabierna, 3 November 2017
Candela den compleho di deposito comercial na Playa
Bomberonan a bringa e candela insistente pa hopi ora
DIAHUEBS madruga, Central a haya un yamada pa 3:48 unda
cu a notifica cu lo tin un candela parti p’atras di CMB Boulevard.
Ta trata aki di e compleho di deposito den Franklinstraat, unda
cu tin negoshinan manera Visser Export, Vicari Trading, Mazuka,
entro otro.
Inmediatamente a despacha 2 unidad di bombero n’e sitio. Na
yegada di e prome unidad por a mira cu tabata trata di un candela
bastante fuerte cu ta ser sospecha lo a cuminsa den Vicari Trad-
ing, y cu tabata menasa di a sigui bay p’e otro negoshinan bisiña.
Bomberonan a bay over na bringa e candela cuminsando for di e
parti exterior y asina purba contene esaki di bay n’e otro negoshi-
nan, mirando cu n’e momentonan ey caba no tabatin mucho mas
pa haci cu e negoshi caminda e incendio a inicia.
Bomberonan mester a haci uso di e hoogwerker pa combati e can-
dela for di halto, pero no por a evita cu e dak completo a cay.
E area caminda e candela a tuma lugar, ta un area conoci pa De-
partamento di Bombero, como cu e ta un area industrial cu hopi
negoshi y deposito grandi.
Segun Departamento di Bombero, e candela lo mester a cuminsa
den e warehouse di e compania Vicari Trading, unda cu e unit aki
a kima completamente.
Por a scucha explosion tambe na unda e candela tabata tumando
lugar y segun Departamento di Bombero, esey ta debi n’e hecho
cu tin hopi diferente producto den e deposito, y mas tanto e apara-
tonan cu ta traha riba gas ta bira un fuente di explosion ora cu tin
candela.
E dañonan material ta cuantioso, maske cu e bomberonan a purba
di contene e candela lo mas tanto posibel pa evita hopi mas perdida
material.
Despues di un trabou duro di e bomberonan pa domina e candela,
awor mester bay over na haci limpiesa di e lugar y sigui investiga
pa saca afo kico tabata e causante di e hecho lamentable aki.
(foto cortesia Cuerpo di Bombero)
