Page 39 - AWEMAINTA

AWEMainta Diabierna, 3 November 2017 39

Noticia Internacional

Tribunal Superior di

Bogota a aumenta na

58 aña e condena di

asesino di e mucha

muher Yuliana Samboni

DESPUES di un solicitud di revision, e Tribunal Su-
perior di Bogota a aumenta di 51 pa 58 aña di prizon
e condena di Rafael Uribe Noguera, kende a confesa di
a mata cruelmente e mucha muher Yuliana Samboni,
dia 4 di december di 2016, n’e capital di Colombia.
Un huez di prome instancia a condena Rafael Uribe
Noguera caba na 51 aña y 8 luna di prizon. Sinem-
bargo, e magistradonan a argumenta cu no a sanciona
e asesino confeso cu tur e peso di ley.

Fiscalia y e abogado di e victimanan lo a apela e con-
dena.
E Tribunal tambe a aumenta e indemnisacion na mas
di 400 mil dollar.
Inicialmente, Uribe Noguera a wordo condena na paga
casi 25 mil dollar n’e victimanan.
Noguera mester paga p’e delitonan di feminicidio, ac-
ceso carnal y secuestro simpel.

Consehero di Seguridad Nacional na Merca a

bisa cu Trump lo ta considerando di inclui Noord

Korea den e lista di patrocinador di terorismo

E consehero di Seguridad Nacional di Merca, General Herbert
McMaster, a reitera e intencion di Presidente Donald Trump
den e gira pa Asia, cu lo inicia awe diabierna.
E topico principal lo ta Noord Korea y e crisis nuclear den e
region. El a sigura cu e Presidente ta hopi enfatico “pa cu e
tema aki”.

McMaster a sigura cu e mandatario lo ta considerando di inclui
Noord Korea den e lista di patrocinador di terorismo.
“E ta un opcion den consideracion. E Presidente y su Gabinete
ta observando esaki como parti di un strategia general riba
Noord Korea, cu un regimen cu ta asesina un persona den un
aeropuerto publico y un lider arogante cu ta asesina su ruman
homber di e manera ey, ta un muestra cla di un acto di teror-
ismo”, a afirma e consehero mericano di Seguridad Nacional.