Page 31 - AHATA
P. 31
banda ey, unda awendia ta Riu Palace Antiyas. Por nota cu e edificio di Strand Politie por
ehempel, no tabata construi ainda. Aki habitantenan di e districto di Noord specialmente
tabata frecuenta hopi.
E tereno a pasa di Aruba Bank pa Aruba Hotel Enterprizes
Aruba Hotel Enterprizes ta funda hopi aña pasa pa entre otro Dr. Eloy Arends, Michael
Ruby di Washington DC y Eduardo de Veer. E intencion tabata e tempo ey pa busca
financiado y cu e compania local, desaroya un hotel grandi na Aruba. Tur wowo tabata
riba Hyatt Regency, pero na ultimo momento e cadena a cambia di plan y a introduci Jose
Joaquin Gonzales Gorondona for di Venezuela, cu a cumpra Aruba Hotel Entreprizes
over y a desaroya Aruba Concorde Hotel & Casino. Cu tempo e comerciante a traha
Concorde Hotel na Isla Margarita tambe, na Venezuela. Ta den e cuadro pa desaroya y
amplia e propiedad di Aruba Concorde Hotel & Casino, Gorondona a cumpra e tereno di
Aruba Palm Beach Club for di Aruba Bank.
