Page 37 - AHATA
P. 37
A firma e acuerdo aki na september 2018 y apenas e aña aki por mira trabounan di
construccion y preparacion a inicia. Parce cu e proceso di permiso di construccion di
DOW a dura mas di locual a spera. Bisando esey, por bisa cu nan ta por lo menos tres
luna atrasa, si e intencion tabata pa cuminsa na fin di aña pasa. Walter Stipa, propietario
di Ritz Carlton Aruba ta doño di e tereno y e mes lo construi y opera Sr. Regis na Aruba.
Tocante Aruba Palm Beach Club
Masha poco hende kisas ta corda cu e sitio indica unda lo bay construi e hotel nobo, den
pasado tabata un di e prome clubnan social di nos pais, esta Aruba Palm Beach Club. E
tempo ey no tabata existi J.E. Irausquin Boulevard mes eydilanti y ta for di Saliña mester
a crusa riba un caminda di santo pa yega eynan. Unda awe ta Holiday Inn Hotel tabata
Club POVA di Polis. Prome cu e bin desaroyo di hotel na Aruba, ta e dos clubnan social
aki tabata existi riba e beach. Ey e pueblo tabata acudi pa entrene nan mes na lama den
fin di siman. Aruba Palm Beach Club por ehempel tabatin un bar, un restaurant, baño y
