Page 2 - MIN TTC 31 MAART 2016

Jossy Figaroa di APA Si un barco no por mara na Aruba ta
decision di gobierno

Wednesday, 30 March 2016 08:28
Tweet
Comparti

Por a tuma nota cu den e dianan cu ta tras di lomba, tabata tin un situacion cu tabata tin un barco
crucero cu tabata direccion pa bin Aruba, no a wordo permiti pa drenta. Riba esaki, director di Aruba
Ports Authority, Jossy Figaroa a splica cu APA tabata na altura cu prome cu e crucero a sali for di
Cartagena, cu tabata tin cierto cantidad di hende malo riba barco.

Na e momento ey a informa Aruba, esta APA, tambe departamento di Salud. Ta keda e ora ey pa e
departamento encarga cu e parti ey pa conseha gobierno kico pa haci. Den e caso aki ta minister di salud
y finalmente, mirando e cantidad di hendenan cu tabata birando malo y no tabata bahando,
departamento di salud a dicidi cu e barco no por drenta Aruba. APA no tin un say grandi den dje y tin cu
sigui loke ta decision di gobierno. Personalmente, Figaroa ta declara cu ta peligroso pa tin un barco y na
unda cu ta bay trece un virus cu no ta conoci na Aruba cu y ta trece hendenan paden cu e lo por bay pega
otro hende na Aruba.

Tin di compronde cu e situacion tabata asina grandi riba e barco, si el a drenta y mester tabata tin ayudo,
no tabata tin e capacidad suficiente na hospital na Aruba, pa por trata tur e hendenan aki. Un di e
motibonan primordial cu departamento di salud a recomenda gobierno pa no laga e barco drenta.
Figaroa a splica cu e cifranan ta un tiki confuso, cual ta varia entre 60 y 80. Si en caso cu salud publico
bisa cu e barco por mara y no laga hendenan baha tambe ta peligoso, APA no ta laga nan mara, Figaroa a
termina bisando.

http://www.24ora.com/local-mainmenu-5/106935-jossy-figaroa-di-apa-si-un-barco-no-por-mara-na-
aruba-ta-decision-di-gobierno