Page 54 - MINISTER ALEX SCHWENGLE - APRIL 22,2015

Minister Alex Schwengle: Hospital a renoba acuerdo cu VU
Amsterdam Medisch Centrum

Tuesday, 21 April 2015 21:02
Comparti

Siman pasa a renoba e acuerdo entre Dr. Horacio E. Oduber Hospitaal y Vrije Universiteit Amsterdam
Medisch Centrum encuanto di cuponan pa co-schappen y otro areanan di colaboracion entre e
institucionnan. A alcansa y a cumpli cu tur obhetivo y metanan poni den e acuerdo anterior, cu tabata pa
un periodo di cinco aña.
E contract nobo tambe ta pa un periodo di cinco aña unda ta expande e ramonan di specialisacion di e
studiantenan cu por scoge Aruba pa nan co-schappen (stage) y ta spera di expande tambe e cantidad di
studiante cu lo bin traha na Aruba. Minister di Salud, dr. Alex Schwengle, kende ademas ta un “alumni”
di Vrije Universiteit Amsterdam, tabata presente como testigo na e firmamento.
E Mandatario a comenta cu momentonan asina ta bon pa comparti informacion tocante di e tipo di
colaboracion nan valioso manera esun cu e centro medico aki, cu no tur ora ta conoci den nos
comunidad.
Esaki ta un colaboracion hopi importante unda cu co-assistenten, esta mediconan cu ta specialisando
den e ramo di nan escogencia, ta completa un parti di nan stage na final di nan trayectorio na Aruba. E
convenio aki ta yuda nos mehora nos mesun calidad di cuido y servicio, el a agrega.
Minister Schwengle a splica cu tin otro tipo di colaboracion tambe cu Hulanda, unda cu Aruba su
personal di enfermeria ta specialisa cu un opleiding Hulandes den areanan manera dialyse, spoedeisende
hulp y intensive care, entre otro.
E necesidad pa traha hunto no ta prevalece solamente entre Aruba y partnernan mas grandi, pero tambe,
e mandatario a bisa, cu el a wak esaki durante di su bishita recien na Corsou. Aki e topico di colaboracion
a resalta, unda cu a papia di mas cooperacion riba tereno di cuido, pero tambe di opleiding,
specificamente enseñansa pa nursenan.
Minister Schwengle a elabora tocante un concepto pa un Health Academy cu actualmente ta riba mesa y
ta expande ainda mas riba e bon relacion di hospital cu Vrije Universiteit. E establecimento di un Health
Academy cu tin un balor internacional na Aruba lo beneficia yiunan di tera cu ta studia enfermeria como
cu nan diploma lo tin un balor internacional y nan lo por traha rond mundo, segun e mandatario a splica.
El a subraya cu no tin nada malo na un diploma cu ta mara na Aruba, pero e ta limita e oportunidadnan y
posibilidad nan di e nurse como profesional. Semper ta bon pa un profesional bay traha otro caminda pa
un tempo, sea otro isla of paisnan mas grandi, unda cu e experiencia cu nan adkiri ta beneficia nan mes y
nan carera.
E titular di salud publico a bisa enfaticamente cu un Health Academy pa Aruba lo bay den colaboracion
cu EPI, cu actualmente ta percura pa e opleiding di enfermeria. Universidad di Aruba tambe lo tin un rol