Page 68 - MINISTER ALEX SCHWENGLE - APRIL 22,2015

E departamento tin casi 2 mil negoshi pa controla

Publication: Wednesday, 22 April 2015. Categoria: General
Patrick Lacle, waarnemend Hoofd Hygienische Dienst

ORANJESTAD – Departamento Hygienico tin un rol masha importante pa proteccion di
consumidornan na Aruba. Aworaki cu e poco personal cu e departamento tin, nan mester
controla casi 2 mil negoshi rond Aruba.
Den combersacion cu Patrick Lacle, hefe interino di Departamento Hygienico el a duna di
conoce cu su departamento ta envolvi den control den tur loke cu tin di haber cu bendemento di
cuminda y bebida, pa proteccion di e ciudadanonan.
Na supermercadonan e controlnan ta tira bista specialmente riba e fecha cu ta aparece riba
productonan pa mira si e supermercado ta bende productonan cu a vence caba. Pero tambe ta
controla si e luga ta limpi, esta si tin sushi di insecto of rato.
Tambe ta controla e magazijnnan pa evita cu e bestia nan ta come e productonan. Ta controla e
parti di alcohol tambe, esta mira si e tienda tin e permisonan necesario. Di otro banda tambe e
departamento ta duna conseho na e Minister den otorgamento di permiso.
Door di cambio di leynan, Supermercadonan por cera te mey anochi, segun decisionnan cu a
wordo tuma algun aña atras.
Loke cu a constata hopi ultimo tempo ta cu un cantidad grandi di supermercado cu ta habri nan
portanan. Pero nan mes no ta directamente envolvi cu esaki ya cu e ta un asunto di e Minister
encarga. Solamente nan por duna e mandatario un conseho, si esaki wordo pidi. Na 2003 tabata
tin rond di 253 supermercado y aworaki e ta calcula cu e ta yegando casi 500. Si mester di un
moratorium,.esaki ta un decision cu ta keda den man di e Minister encarga. Pero e cantidad total
di negoshinan cu e departamento mester controla ta yegando casi na 2000 establecimento, pa
cual hopi biaha nan emster traha den oranan di anochi tambe.
http://www.diario.aw/2015/04/e-departamento-tin-casi-2-mil-negoshi-pa-controla/