Page 9 - AM211029

Diabierna, 29 October 2021 AWEMainta.com 9

DVG cu yamada na 3500 persona cu no a bin

busca nan di dos dosis di vacuna di Pfizer

Departamento di Salud Publico tin den

su registro di vacunacion un averahe di
3500 persona cu no a bin busca nan di

dos dosis di vacuna di Pfizer.

DVG pa medio di e relato aki ta haci un

yamada n’e averahe di 3500 persona aki
pa pasa na edificio di DVG situa na Caya

Ing. Roland Lacle durante orario di trabou
cu ta di dialuna pa diabierna entre 8:00
cu 11:30 di mainta of parti atardi entre

1:00 cu 4:00 pa busca nan di dos dosis di
vacuna.
Pa busca di dos dosis di Pfizer no

ta nesesario pa traha un cita, por
simplemente ‘walk in’ durante e orarionan
ariba menciona. Loke si ta nesesario ta

p’e persona bin cu su ID of AZV sea carchi
of via e app di AZV, tambe mester bin cu e

carchi di registracion cu e persona a ricibi
ora a haya su prome dosis.

Despues di 3 siman cu un persona a ricibi
su prome dosis di Pfizer ta importante p’e

persona bolbe y busca su di dos dosis pa
ta bon proteha contra Corona Virus. Un
dosis so di e vacuna di Pfizer no ta brinda

e proteccion necesario y tambe cu un
solo dosis di Pfizer e persona ta wordo
concidera no vacuna pa cual motibo e

persona no por haya un certificado como
prueba di vacunacion, cu exepcion di
esnan cu a haya Covid anteriormente

y a wordo conseha pa ricibi un vacuna
solamente.

DVG un biaha mas ta haci un yamada
n’e 3500 personanan aki pa acudi mas

pronto posibel na nos localidad pa busca
nan di dos dosis y alabez ta encurasha

mayornan cu tin yiu cu a caba di haci 12
aña pa no duda y ‘walk in’ cu e hoben p’e
tambe por ricibi su vacuna y por ta mas

mihor proteha contra Covid-19.

Pa mas informacion of si tin

cualkier pregunta por yama DVG
na telefon 280-0101 of 522-4200.