Page 22 - FDLP

di scorers unda cada atleta por a wordo evalua riba su performance pa cu su pais pero tambe a
hasi uso di informacion di otro paisnan pa evalua nos mes pa mira e partinan menos fuerte
unda nos por sigui traha pa desaroya y progresa. Riba aspectonan di logistica hotel, transporte
y alimentacion 100% henter e delegacion tabata hopi satisfecho y no tabata tin ningun
incombenencia. Alrespecto pitcheo nos a mira un progreso den Jair Thomspon y Jomark

Flanegin unda Jair a perde 5-3 cu Venezuela y Jomark a perde 4-2 cu Colombia cu ta
resultadonan sigur positivo comparando cu algun aña atras. Nos fildeo como equipo a luci y nos
defensa tabata super y a sali den e top 3 di henter e torneo. Lokual ta nos bateo nos mester
mas profundidad. Ehempel contra Panama nos a perde 2-1 lagando 11 coredor na base y a

perdo 1-0 cu Ecuador. Paisnan cu den futuro nos mester gana. Pa esaki nos mester keda mira
mas pitchernan internacional. Pues a traha caba riba un plan pa continua. Promer siman di
Augustus un equipo di Republica Dominicana lo ta na Aruba pa hunga 5 wega di fogeo contra
un pitcher di selecion di republica Dominicana. Dia 3 pa 8 di October Selecion lo bay un
competencia na Panama Centro Americano y lo competi hungando 10 wega contra e mihor
equiponan Centro Americano y lo mantene un plan di desaroyo asina pa nan compromiso

grandi den 2019. Por lo pronto tur diadomingo mainta 1030 pa 1pm Selecion lo ta entrenando y
den Augustus lo aumenta esaki bek na 3 ves pa siman preparando asina pa Panama.
Presidente Endy Croes y Directiva a gradici tur presente mirando atras riba un tremendo anochi
di evaluacion di nos ultimo competencia. Softball den pleno desaroyo.

http://www.awe24.com/20180702/32304/Aruba_Softball_Bond_a_reuni_cu_Selecion_Masculino_cu
_a_bay_Monteria_pa_evalua_y