Page 13 - KPA AUG 24,2015
P. 13
AWEMainta Dialuna, 24 Augustus 2015 33
El a haya un bati,
pero a bira fresco y personal di ambulance no por a yud’e
POLIS ta haya informacion
cu banda di Hooters na South
Beach, tin un hoben herida. Esaki
a sosode diadomingo madruga pa
mas o menos 2:30 ora cu Central di
Polis a haya un yamada.
Hooters tabata sera y no ta envolvi den e
problema aki, pero e hoben herida a yega na
Hooters pa bati alarma.
E victima ta conta cu banda di Gusto tabatin un gang cu a buske problema y
asina nan a logra kap su frente. Polis a atende cu e hoben y pidi presencia di
ambulance tambe.
Nan a check su salud y purba yude cu su herida, pero e hoben a bira fresco y
esey a haci’e dificil pa por a atende cu su situacion.
Mirando su comportacion a haci cu e personal di ambulance a bandona e sitio.
Polis a dicidi di detene e hoben aki y bay cune warda pa sigui atende cune.
Di 12 morto
den trafico
WILLEMSTAD - Diadomingo mardugá alrededor di
04.30’or, Central di Polis a ricibí yamada di un accidente
serio cu a tuma lugar n’e cruzada F.D. Rooseveltweg/
Jan Noorduynweg.
For di un investigacion cu Polis a realisá n’e sitio, a sali
na cla cu chofer di un auto di famia cu tabata core riba
F.D. Rooseveltweg den direccion di Aeropuerto, a bay
lora na man robes pa subi Jan Noorduynweg, sin duna
preferencia na un otro vehículo (SUV) cu tabata core
riba F.D. Rooseveltweg den direccion di Plaza Hariri.
Consecuentemente e dos vehículonan aki a dal
prácticamente frontal den otro.
Debí n’e impacto fuerte, e auto di famia a zwai y benta
e chofer riba caminda.
E chofer aki, e homber Richardson A. Jamanica, naci na
Còrsou dia 8 di sèptèmber 1971 (43 aña) a fractura su
garganta y a fayecé n’e sitio di accidente.
Dòkter di Polis a constatá morto.
Un otro ocupante di e auto di famia y chofer di e SUV
cu tambe a sufri diferente lesion, a keda transportá pa
poli cu ambulance.
Esaki ta bira di 12 morto den tráfico pa aña 2015.
