Page 6 - KPA AUG 24,2015

10 AWEMainta Dialuna, 24 Augustus 2015

Asina cu luznan di trafico na cruzada di Palm
Beach no ta funciona

Accidente ta bira
inevitable, pasobra
chofernan NO TA RESPETA
regla di trafico

POLIS ta haya

informacion diasabra
mainta cu tin un accidente
hopi serio riba e cruzada
di Palm Beach. Maske cu
e causa ta eror humano,
unda chofernan no ta
aplica regla den trafico,
pasobra e luznan di trafico
a daña atrobe.
Den e accidente aki,
un taxista coriendo cu
velocidad basta halto,
pero riba caminda di
preferencia a dal den un
auto stacionwagon color
berde maneha pa un dama
Hulandes.

E dama a caba di huur e
auto un ora prome.
E dama a yega riba e
cruzada y a pasa sin mira of
para pa duna preferencia.
E impacto tabata hopi
fuerte y e taxi a perde
control y despues di e
impacto y baha caminda
na man drechi den un
scual y bay bolter pasa
over di barancanan dilanti
di Domino’s Pizza. Varios
patruya policial a bay n’e
sitio. E taxista tabata hopi
spanta, pero no a keda
herida. E dama Hulandes
tambe tabata ok, pero
masha spanta.

Un otro pickup grandi cu
tabata bin tras di e taxi a
desvia pa evita impacto y
a bay na su banda robez
y subi asera pa despues
subi caminda di direccion
contrario y bay dal den
acera mas pabou. Un total
tres auto tabata envolvi
den e desgracia aki.