Page 11 - AM200324
P. 11
Diamars, 24 Maart 2020 AWEMainta 11
Mientras cu tin toque de queda
Kiebro y ladronicia na un compania
cu ta bende bebida alcoholico
DIASABRA pa mas o menos 10 or y 15 di mainta
doño di un compania cu ta distribui bebida alcoholico
a yega na su compania y el a ripara cu tin algo straño
cu e porta di parti patras ta hancho habri. Mesora
a bay check y el a mira cu e porta a wordo hebris.
Tambe el a nota cu ladronnan a horta basta alcohol
for di e edificio. Tur esaki durante e anochi di toque
de queda.
Mesora el a a avisa Polis, kendenan a yega n’e sitio
mesora tambe. Polis mesora a cuminsa investiga y
a bin ripara cu e ladronnan a bay cu basta alcohol.
Tambe nan a spuit e motion sensor cu un bleki di
spray paint, p’asina nan blokea e señal di e sensor,
p’asina nan por a drenta y horta den tur trankilidad.
E porta bandi patras a wordo gebris cu un pat’i cabra.
N’e cura pafo nan a bris e tralienan pa ora nan a caba
nan por a sali sin cu hende por a mira nan cu e pro-
ductonan horta.
Polis a keda di bay check riba e camaranan di seguri-
dad pa mira ken of kendenan a drenta horta y p’asina
pronto pone man riba nan.
