Page 28 - HOSPITAAL

Pueblo tambe por coopera unda e separacion por bin for di cas caba. Tur cos por wordo

bisa pa ceramento di luga, etc. Segun Sandoval Alvarado di PAHO a splica den

entrevista, cu ora cu tabata papia di e gestion integral, evidentemente tin e parti tecnico

cual ta cay pa Gobierno.

Sinembargo tin un otro aspecto importante, cual ta e manipulacion di e sushi, kende ta

esun cu ta genera. E poblacion tin cu hunga un papel importante den e proceso aki. Si nos

logra entrega e sushi separa, e esfuerso di gobierno lo bira menos di haci e separacion den

e parti di disposicion final. Eynan lo bay tin costonan importante. Si e poblacion interveni

den e proceso di separacion, e lo baha e tema, inclusive di e riesgo. E parti organico

combina cu e parti inorganico di loke ta wordo genera na cas, ta genera ya un nivel di

contaminacion. Por lo tanto, tin un parti cu ta coresponde na e poblacion. E poblacion si e

entrega di manera separa, Gobierno no mester haci asina tanto esfuerso na e luganan di

disposicion final. Mucho menos destina tanto recurso pa esey.

Tin un responsabilidad cu ta coresponde na e poblacion y no solamente di manipulacion y

separacion sino tambe den e tema di pago pa e servicionan cu ta wordo duna. Esey ta

afecta tur e generadornan. Nos ta exigi hopi nos derecho, pero tin un responsabilidad

respecto na e prestacion di servicio cu e gobierno tin. Awo ta en busca di financiamento
pa e luganan di dispocion final y su formanan di tratamento.

Sinembargo e recursonan ta schaars. E sushi cu ta sali, e gobierno no ta genere, pero e

poblacion ta genere den su conhunto. Den vivienda, comercio, industria. Cada un di nan

ta hunga un papel importante pa duna sostenibilidad na e sistema aki. E recomendacion

cu lo wordo duna, ta con cada un di e actornan aki ta participa, pa por bin na un solucion

mas integral na e propuesta aki.