Page 30 - AWEMAINTA
P. 30
30 AWEMainta Diamars, 27 Maart 2018
Deporte
Ultimo chens pa haya
training bou guia di
e Sparta Coaches
MANERA ta conoci caba, e prome siman di april lo tin
un Soccer Camp bou guia di coaches di Sparta Rotterdam,
cu apoyo di coaches certifica di Aruba Soccer Academy,
esta e Benu-Sparta-ASA Soccer Camp.
E camp aki a resulta di ta sumamente popular bou di nos
hoben futbolistanan, y tur cupo a wordo yena den ‘no
time’, cual ta nifica cu e camp ta completamente sold out.
Apesar di esaki, ainda Aruba Soccer Academy ta hayando
peticion di mayornan cu kier pa nan yiu, entre 6 y 16
aña, por experiencia un training profesional bou guia di e
Sparta coaches.
Pa e motibo aki Coach David Appie Abdul di ASA a dicidi
di hasi algun cupo disponibel dor di un soccer clinic di 2
dia. E clinic aki lo tuma lugar 3 y 5 di april di 4’or pa 6:30
di atardi y ainda muchanan por inscribi pa participa.
E prijs pa participa na e clinic di dos dia aki ta AWG 150,-
y participantenan ta haya un uniform completo (shirt,
short y meya), algo di bebe y un snack saludabel.
E training merdia lo ta encabesa tambe pa Coach Dolf
Roks, e Hoofd di e Jeugdopleiding Sparta, cu apoyo di
Nourdin Boukhari, futbolista di Eredivisie cu experiencia
internashonal.
Pa mas informashon por tuma contact cu coach Appie na
592-5235.
