Page 20 - MIN ON 24 FEB 2016

Filomena College mavo ta invita e mayornan pa un charla
tocante divorcio y su consecuencianan

Tuesday, 23 February 2016 16:52
Comparti

Directiva di Filomena College MAVO ta invita tur e mayornan pa un anochi hopi informativo cu e topico
di divorcio y su consecuencianan, diahuebs 25 di februari di 7:00 pa 8:30 di anochi den lokaal 1 na
Filomena College MAVO mes.

E orador invita di e anochi aki ta fundacion Telefon pa Hubentud y esaki ta un tema cu sigur ta hopi
interesante y relevante pa e desaroyo positivo y educacional di nos alumnonan. E tema di divorcio y su
consecuencianan tin un peso di sumo importancia den nos comunidad y sigur mester evita a toda costa
pa e muchanan sinti menos consecuencia cu ta posibel. Un bon conocemento riba e topico aki, como
tambe un bon colaboracion entre mayor y scol, por duna resultado positivo pa e bienestar di e
muchanan. Durante e estudio intensivo cu directiva di Filomena College MAVO a haci recientemente na
Universidad di Aruba, e parti di colaboracion tabata di sumo importancia y p’esey mes a dicidi pa
colabora cu mayor y yiu pa yega na informacion tocante e topico actual aki.

Tanto meneer Goedgedrag como juffrouw Koopmans ta extende un invitacion cordial na tur mayor, pa
asisti na e anochi informativo aki y asina educa bo mes cu e ultimo conseho- y guia riba e topico di
divorcio y su consecuencianan. E anochi ta completamente gratis y ta cuminsa pa exactamente 7:00 di
anochi pa asina duna oportunidad pa haci pregunta tambe.

http://www.24ora.com/local-mainmenu-5/105604-filomena-college-mavo-ta-invita-e-mayornan-pa-un-
charla-tocante-divorcio-y-su-consecuencianan