Page 2 - Lotto

AWEMainta Diaranson, 16 December 2015 17
Awe tin tiramento di lot
p’e Festival di Dande
NOS tradicionnan folklorico di Aruba di fin y
habrimento di aña ta nos Pasco y Dande. Un her-
encia cultural cu ta bai bek mas cu 100 aña bieu.
Na final di aña tin dos ocasion special cu nos ta
celebra. Pasco, unda nos ta desea otro paz y feli-
cidad, y aña nobo, e cambio di aña, unda nos ta
desea otro un feliz y prospero aña nobo. Cu dande
su bon deseonan ta yena nos cu fe y speransa pa
nos habri aña yen di optimismo, bon intencion y
propositonan positivo.
Mescos cu otro tipo di musica, dande tambe tin
su desaroyo y cambionan. E verso di e cantica
a cambia y tin diferente version. Tin dande cu
versonan largo cu su parti tristo y su parti alegre,
pa alegra curason di esnan cu ta scuch’e.
Tambe e composicion tin su structura, esta un in-
tro, saludo, bendicion, gradicimento y despedida.
E texto di e cantica ta wordo adapta n’e lugar y
e momento especifico (tempo y contexto) di e
toca, tin cantante ta improvisa, y segun e ta canta
ta pasa cu sombre rond den cual tabata deposita
moneda di cen preto y placa gay. Cen preto y
placa gay tabata ser considera moneda di suerte.
Awendia ta hopi mas placa ta envolvi den e paran-
da di dande. Antes tabata uza tres instrumento
so, esta Fio, Tambor y Wiri (Raspa metalico).
Pa cu nos Festival di Dande 2015, Sr. Harry Croes,
presidente di Fundacion di Festival di Dande ta
invita tur esnan cu a inscribi pa bin awe, diaran-
son 16 di december pa 6’or di atardi na Hamaka
riba Plaza Turismo (Linear Park). Lo tira lot y
splica un cu e otro di e festival, p’asina nos tin un
gran festival di dande na ocasion di su celebra-
cion di 40 aña. Un peticion ta bay na tur esnan
cu a inscribi, pa trece nan letra di Composicion
Tipico (den cuater copia) awe durante tiramento
di lot p’asina cuerpo di hurado por haya esakinan
na tempo.
Y Harry, ta spera tanto lider di agrupacion mu-
sical tipico y cantantenan awe, diaranson 16 di
december durante tiramento di lot na Hamaka
riba Plaza Turismo.
Ta inicia e weekend cu ambiente y alegria di
Pasco for di diabierna y diasabra 18 y 19 di de-
cember for di 6’or di atardi pa 12’or di anochi
cu ambiente musical di gaita: Paranda ta Nos,
Arugaldo, Melodia, Muchanan di Mama Rosa y
mucho mas. Tin cuminda crioyo, tentnan di cos
dushi, artesania local y di Pasco pa hinca bo den
e magia di Pasco den paraiso.
Departamento di Cultura Aruba, bou auspicio di
Ministerio di Cultura ta invita henter e pueblo di
Aruba pa ban celebra e di 40 aña di nos Festival di
Dande riba diadomingo, 20 di december venidero
for di 6’or di atardi.