Page 13 - bon-dia-aruba-20220321

a13
riba caya Dialuna 21 Maart 2022

Auto a dal

peaton na

crusada di

Cas Ariba

Diabierna ultimo den oranan
di anochi na e crusada di
Cas Ariba tabatin basta hen-
de den e area relaciona cu e
actividad, pero un Nissan a
bay pa lora na su man robes
pero e chauffeur no a capta
un peaton crusando caminda
y a dal e persona. E homber
a resulta herida, polis a pre-
senta di biaha y a solicita
ambulance unda paramedico
a presenta di biaha. A detene
e chauffeur di e auto pa core
bou influencia di alcohol.

Turista a draai dilanti cas na Ayo y bolter

Diasabra ultimo den oranan di merdia riba
e caminda di Ayo un grupo di UTV tabata
pasando y un di e participantenan a bay draai
cu e UTV pa lanta santo dilanti un cas y pa
su mala suerte a perde control y bolter cu
e aparato aki. E homber a resulta herida, e
tabatin un herida di atencion na su curpa y
polis a presenta di biaha y solicita ambulance.
Paramedico a presenta di biaha y atende cu
e victima na e sitio mes. Debi na e gasto e
turista a tuma un taxi pa asina e por yega hos-
pital. Polis di trafico tambe tabata presente pa
tuma dato for di e familiar y despues e chauf-
feur mes y e doño di e UTV a presenta rato
despues na e sitio.