Page 31 - MIN JUS

Sra. Michela Croes-Matos a menciona cu e mes a yama Ministerio Publico algun biaha,
despues di e conferencia di prensa, y nan contesta ta semper cu “otro siman” e ta haya
e carta.E dama a splica nos cu e carta ta pa e famia por bay Corte di Apelacion cune,
unda cu nan por sigui bringa e caso di Zinnia, pero mirando cu nan no a haye nan a bin

cu un manifestacion, y e ta spera cu awor cu tur hende ta na haltura di kico ta
pasando, nan por logra haya e carta.Sra. Croes-Matos ta haya un falta di respet di parti
di Ministerio Publico cu nan ni ta comunica cune, bisa nan kico ta pasando, pakico e
carta no ta saliendo.E dama a subraya cu nan tin un Plan A-B-C y si mester D tambe lo

hacie. Aworaki nan ta bezig cu articulonan di ley, unda cu nan lo a reuni diaranzon
atardi cu nan abogadonan, pa wak kico ta e siguiente stap.Kico ta bay sosode cu e
causante di e accidente den cual sra. Michela su yiu a fayece, e ta lague pa husticia.
Asina e mes a expresa. “Pero si nos punto ta pa Zinnia haya su first chance dilanti

Corte. Locual cu Huez dicidi despues di esey, esey ta. Nunca nos a roga ni pidi pa e
mucha muher aki bay cera tanto aña, pero mi ta kere si cu ley mester haci su trabao
den e caso aki”, sra. Croes-Matos a subraya.Sra. Croes-Matos a duna di conoce cu nan
no a papia mas cu KPA y nan no a tuma contacto cu e famia tampoco. “Pero KPA ta na

haltura, sr. Richardson ta na haltura cu e ta un rapport hopi mal haci door di su
personal, y mi no ta kere cu nan ta bay tuma contacto mas cu nos. Nos si a purba pero
nos mester a cancela esey”, sra. Croes-Matos a señala.Nan ta sigui move cu tur cos y e
hecho cu nan tin cu keda core tras di yen di hende pa nan derecho, tambe ta un parti

cu e famia ta bay bringa, segun informacion di sra. Croes-MatosEl a subraya cu e no
kier haci e caso aki mara na politica “at all”, pasobra e no kier hunga politica cu su yiu.
Pero e ta spera si cu esun cu sinta por yuda e famia cu nan caso.E tin e sentimento cu
door cu OM sa cu e famia tin caminda pa cana, nan no ta duna nan e carta.