Page 44 - MIN JUS

ORANJESTAD (AAN): Un grupo di persona, kendenan ta encarcela relaciona cu
casonan di asalto riba diferente negoshi, a presenta dilanti Huez. Ta asina cu abogado
mr. Kock a logra convence Hues pa laga su cliente K.D. liber pendiente di e caso.

CASO POSPONE

E sospechosonan ta e muhernan M.B. y K.D. mientras cu e hombernan ta A.F., B.B.,
L.U.D. Fiscal a bisa Huez cu e caso ta pro forma pasobra tin dos asalto a sosode y tin

mas sospechoso entre otro e asalto na Estrella. Fiscal a propone pa tratamento di e
caso tuma lugar 8 September 2017.

PIDA LAGA SOSPECHOSO LIBER

Abogado mr. Kock cu a representa e muher K.D., a bisa Huez cu desde Februari 2017 e
ta cera y su caso ta otro. El a bisa cu ta sospecha su cliente di planea asalto y tambe
posecion di arma. Na opinion di e abogado, ta solamente e acusacion di posecion di

arma ta vigente actualmente. E pregunta ta si ainda e mester ta cera.

E abogado a bisa Huez cu ta riba K.D. su cellular a mira un potret di dje sinta riba cama
cu un arma. E tabata compaña cu un homber cu lo ta envolvi den criminalidad y arma.

El a bay haci tof pa coy arma y saca potret. E abogado ta haya cu Fiscal ta bay mucha
leu pa laga K.D. keda cera te dia di e caso. El a pidi pa laga K.D. liber pendiente di e
caso.

REACCION FISCAL

Fiscal a bisa cu tin testigo a bisa cu e partner di K.D. ta bende arma. Fiscal ta haya cu
K.D. no mester a haci tof saca potret. Fiscal ta haya cu lo por laga K.D. liber pendiente

e caso.

Huez a remarca cu e hecho cu K.D. ta ilegal, e chens ta grandi cu e lo bay for di Aruba.
E abogado a bisa Huez cu K.D. lo bay ta presente. Huez a bisa cu e ta suspende

detencion di K.D. te 8 September 2017 pero bou condicionnan.