Page 42 - MIN ON

AWEMainta Diahuebs, 21 September 2017 43

MEP ta haci

donacion Briyo di

Solo di 8.900 florin

PARTIDO MEP a wordo hopi conmovi pa e can-
dela cu a destrui tres local na pasadia Briyo di Solo,
y a dicidi di tuma accion. Directiva di partido pa e
motibo aki a dicidi di haci un donacion di 5,000 florin
na Briyo di Solo.

Diabierna ultimo candidato Daphne Lejuez a or-
ganisa un actividad pa recauda fondo na su Cede
cu bendemento di cos dushi. E atardi aki, Daphne
a bende cos dushi y cu e accion aki a recauda 1.400
florin pa yuda Briyo di Solo.

Y diadomingo durante e gran actividad na Rancho,
Plaza Starke, lider di MEP Evelyn Wever-Croes a
anuncia cu el a cancela e ciere di campaña di dje mes,
p’asina uza e fondonan pa yuda Briyo di Solo, y asina
a duna 2.500 florin adicional, hasiendo e suma total
8.900 florin.

Dialuna ultimo, lider di MEP, Evelyn Wever-Croes
hunto cu candidatonan Daphne Lejuez, Setty Chris-
tiaans y Guillfred Besaril a bishita Briyo di Solo, pa
entrega e donacion y mes momento por a mira e
destruccion. Tambe nan por a saluda e clientenan.

“Briyo di Solo ta un pasadia hopi importante pa nos
hendenan special di 16 aña bay ariba, y nan mester di
nos sosten. Mientras tanto nan a haya temporalmente
algun local otro caminda, pero nan mester cumpra tur
nan materialnan bek cu a bay perdi. Nos ta contento
di por haci e donacion aki, y nos ta spera cu e por
alivia e situacion p’asina nos hendenan special por
sigi haya e atencion y cuido di Briyo di Solo”, lider
di MEP Evelyn Wever-Croes a duna di conoce.

Pabien na MEP y su candidatonan pa e bunita gesto
aki.