Page 38 - KPA 14 March 2015

Polis ta bolbe atende cu Jamaquino causando problema den
low rise

Friday, 13 March 2015 21:50
Comparti

Polisnan di strand y tambe Visibility Team a bai tras di un conoci di nan cu ta causando basta problema e
temponan aki banda di High Rise Hotels. Constantemente e ta frecuenta e area entreTamarijn cu Divi.
Sea ta busca manera di bende droga cu turista of ta busca cos pa horta. E ta cana cu un tas tambe cu liña
di pisca pa disimula for di anochi of marduga cu ta piscamento tin. Polis tin su wega door and door. E
biaha aki parce e tabata huma algo illegal y durante e proceso ta sospeche di drenta den un area di e hotel
y tira man den e tips box. Djey a vigile y lo a mira subi un autobus. Polis a logra yega na parada di bus na
Playa caminda e autobus a yega. A atende cu e persona aki mesora. El a bira fresco cu polis tambe. Nan a
hala su atencion fuertemente y a busca den su pertenencianan holiendo hopi stinki pa e posibel placa di e
tipbox. A haya algun dollar pero parce esaki ta procedente di turista cu e lo ta molestia. Ni maske a bisa
pa keda leu di e area, asina mes e ta sigui. E lo ta biba den Bushiri Hotel su ruinanan tambe y esey ta e
area cu despues e Jamaiqino ta causa problema. El a bisa cu e lo bai keha polisnan na media mirando e
trato cu e ta haya.