Page 16 - RESPALDO

vision di Ministerio di Salud pa cu Aruba. “Mi ta contento cu tur e fundacionnan
sea di problemanan mental y di addicion tey presente y nos a brindanan e
informacion cu nos maneho ta dirigi riba dje pa un aproach integral pa loke ta
problemanan di addicion y mental”, asina Minister di Salud, Dangui Oduber a
sigui bisa. T’asina cu kier pa e cuido ta acesibel, pagabel y bon y mas cu tur cos
kier aumenta e profesionalismo pa medio di diferente curso y tambe Ministerio
di Salud a splica tambe con ta atendiendo cu e problematicanan cu ta afecta nos
comunidad severamente. Minister Oduber a sigui bisa cu a cuminza cu un
investigacion nacional di e uso y consumo di droga y tambe a cuminza cu un
opleiding den “Maatschappelijk Gezondheid Zorg” p’asina nos aumenta e
profesionalismo pa esnan cu ta atende cu tur e casonan di adictonan of
personanan cu tin problema mental. Banda di esaki Gobierno a bini cu un raad
nobo pa cu Fundacion di Maneho di Adictonan y lo bai institui un programa nobo
y lo bai mehora e infrastructura. Segun Minister di Salud, ta importante tambe
pa comparti esaki tambe cu e “field” pa nan ta na altura cu hopi trabao ta wordo
haci y mester di nan ayudo, mester di nan cooperacion. Tin un “ervaring
deskundige” tambe cu lo bai comparti su experiencia ya cu el a pasa aden y a
recupera di esaki y ta bek den comunidad. Pues sigur e simposio aki ta duna
hopi informacion interesante y sigur Minister Dangui Oduber kier a gradici tur e
fundacionnan, tur e trahadonan kendenan ta haci nan maximo esfuerzo pa duna
e ayudo y duna e servicio necesario pasobra e ta un trabao noble y mas cu claro
e no ta facil ya cu e ta hopi dificil y Minister Oduber kier a felicita tur esnan cu
ta yuda den esaki y nan ayudo ta wordo grandemente aprecia. “Pasobra hunto
nos tin cu tackle e problema aki ya cu e ta un problema creciente y ta pesey
nos kier dirigi nos maneho tambe riba e aspecto preventivo enbez di curativo
dor di conscientiza, detecta kende ta e gruponan di risico pa atende cu e
problema aki for di su raiz”, asina Minister Dangui Oduber a declara.