Page 34 - DESPA

Edmar Winterdaal: Dokter di cas a nenga na prome instante
pa manda su yiu specialista

Sunday, 02 July 2017 20:09
1

Comparti

E caso di Shayden Hose ta uno cu sigur a capta atencion di Aruba henter. Edmar Winterdaal, kende ta
tata di e yiu, a bati na porta di comunidad atraves di Facebook, pa asina dune un man pa e por bay cu su
yiu Hulanda pa e haya tratamento medico.
E ta conta cu for di un dia pa otro, esta diabierna, ultimo, 30 di Juni, e tabata trahando riba su auto, su
mayornan a yam'e paden, ora cu el a haya e noticia cu su yiu Shayden a haya un tumor. Na prome
instante e no tabata sa con pa reacciona, pero el a cuminsa zink in den su curpa. Tipo di cosnan asina ta
dal masha duro mes. El a bay hospital y a mira den ki dolor e mucha ta pasando aden y e ta haya cu
ningun yiu merece esaki. Motibo cu e ta den hospital tambe ta inecesario pasobra tabata mande dokter y
pidi pa specialista hopi biaha. Nan ta nenga y manda nan cas cu e famoso paracetamol. Esaki a keda bay
pa lunanan largo, te ora cu a ripara cu tin algo extra na su barica, cu tabata bezig ta blaas. E ora por fin
nan a dicidi mande specialista ora cu nan a haya sa cu ta un tumor y ta creciendo pa varios luna riba un
tamaño di 12.5 centimeter.
Nos conoce nos yiunan y nos famianan miho. Ora pidi pa un specialista, no ta por nada y pa no nenga y
duna e ayudo medico cu tin mester. E no ta husto cu e mucha mester bay pasa door di esaki pasobra e
dokter a nenga di dun'e ayudo specialisa cu a pidi. Dokter di cas, dr. Giel a trata e mucha pero te na
ultimo a manda e mucha. Winterdaal no tin miedo di bisa y no lo sconde pa pueblo. E ta haya cu tur
hende merece di sa y pa tur dokter ta alerta cu pueblo mester cuminsa papia di e abuso cu ta mandando
hende cas. Winterdaal ta scucha storianan cu di diabierna e ta scucha storia di hendenan cu a pasa den
casonan similar sino ta igual. Si e por para pa hendenan cu mester bay dilanti y haya e mesun contesta
aki, nan mester stop. Si pidi algo, yuda, haci extra, no djis pa motibo of algo dicidi cu ta manda bek cas cu
paracetamol. Esey no ta e solucion. Paracetamol no ta cubri ABC, e ta cubri A so. Pesey tin otro
medicamento y tratamentonan tambe cu por yuda y lebomay solucion A so cu ta e easy way out.

Kico por wordo haci ainda

Winterdaal a splica cu e informacionnan ta wordo duna mas tanto na e mama. E mes no ta bay wordo
cubri pa nada, pasobra e mes, economicamente ta stabil por bisa cu por bay Hulanda di un dia pa otro.
Como un tata desespera tur loke el a pidi ta sabiduria, specificamente el a haci esaki riba Facebook. Hopi
hende a papia cun'e y duna conseho. Hopi hende ta sosten'e. E mucha a haci un CT scan, caminda cu nan
a bisa cu no ta un tumor benigno y tin rastronan maligno den dje. E mucha su bida actualmente no ta
den peliger, pero si no actua, e por cambia for di un dia pa otro masha facil mes. Como un tata e no por
djis sinta den hospital y warda tempo pasa y nan dicidi pa mand'e, pio ainda ora cu e no tin manera pa
yega Hulanda.
Su survival instinct a kick in diabierna y a expresa su mes dolorosamente riba Facebook, unda cu tin