Page 49 - MIN.TTC MRT 19,2015

Via un ley di referendum pueblo mester a dicidi cual ta e
color original di nos bandera!

Publication: Thursday, 19 March 2015. Categoria: General
Segun mr. Andin Bikker di PDR:

ORANJESTAD (AAN) – Diamars, Fraccion di Partido Democracia Real a tene su conferencia
semanal di prensa, conduci pa mr. Andin Bikker, parlamentario lider di e fraccion.
E parlamentario a trece dilanti como prome punto di agenda e color di e bandera di Aruba, cu tur
e dianan aki tabata den discusion.
Segun e parlamentario mr. Bikker, den concepto di PDR, gobierno no a consulta debidamente
riba e color nobo di e bandera di Aruba.
El a subraya cu PDR for di hopi aña a boga pa bin cu un ley di referendum, pasobra tin diferente
tema cu tin asina tanto importancia cu mester consulta apart cu e pueblo, los di eleccion general.
Un di e temanan cu a sobresali e siman aki ta e color di e bandera. Palamentario Bikker a subraya
cu mester corda cu e color di nos bandera a wordo acorda, originalmente, via un tipo di
referendum.
PDR ta haya lamentable cu a bin desunion unda mester tin union, riba e color di bandera y den
un fecha asina propicio manera nos Dia Nacional, cu ta suppose cu nos pueblo mester ta uni.
Parlamentario mr. Bikker ta haya cu esaki ta subraya e necesidad di un ley di referendum y PDR
a priminti pueblo cu nan lo introduci sea cu un ley di iniciativa of un ley di referendum, pasobra
tin varios tema, entre otro patrimonio y herencianan di puebo, color di bandera y escudo, etc.
E parlamentario a agrega cu den eleccion general e pueblo no por a expresa su mes riba diferente
asunto manera e parke dimulina di biento na Urirama si mester bin si of no ya cu tin hopi