Page 7 - LOTTO DEC 1
P. 7
20 AWEMainta Diamars, 1 December 2015
DEMENCIA, un impacto grandi !
CASMARIE ta organisa su siguiente Dementie Café
CasMarie riba diahuebs 3 december proximo. Durante
e anochi aki lo tin 2 charla sumamente interesante. Lo
combersa cu e psicologo sra. Sabrina Sonnensein tocante
e cambionan den actitud cu por surgi durante e desaroyo
di e sindrome di demencia.
Ta sera e anochi cu un entrevista cu sr. Boy Escalona to-
cante e impacto di demencia den su propio bida desde e
momento cu el a cuminsa nota cambionan serca su casa
y el a realisa cu mester busca ayudo.
Un proceso sigur cu hopi ups y downs, caminda sr. Es-
calona y henter su famia mester a siña con por anda cu
e cambionan aki.
Mundialmente e skindrome di demencia ta wordo mira
como un di e causa di mas significante di crisis den sector
social y sector di salubiridad.
Ta wordo premira cu pa aña 2050 e cantidad di persona
cu demencia lo aumenta mas cu 3 bez e cantidad actual.
Na Aruba e cantidad di persona cu demencia tambe ta y lo sigui aumenta. E sindrome di demencia ta trece cune e.o. cambio permanente den
e celebro, cambio den actitud y funcionamento di e persona.
Un malesa di celebro cu ta progresivo y na final terminal. Remedi no tin pa para e malesa aki. Si ta conseha pa mantene e persona lo mas activo
posibel. Ta recomenda pa stimula actividad fisico, social y mental.
Tardi of tempran cualkier di nos por haya nos mes confronta cu e dificultadnan aki, sea
den nos seno familiar of serca nos mes. P’esey no perde e anochi di informacion aki
Dia 3 december 2015 pa 7.00 pm – 9.00 pm na CasMarie, Savaneta 532-A.
Tema: Importancia di actividad & sosten na famia
Pa mas informacion por tuma contacto cu
CasMarie na telefon 569-6910. Tambe por
bishita nos pagina di Facebook
Dementie Café CasMarie
of nos website www.
casmarie.com.
Si bo persona ta de-
sea di contribui cu
un donacion esaki
por libramente
via nos cuenta
di banco RBC
42.68.288
Pasa libremente,
experencia, scu-
cha y combersa.
Ban haci un diferen-
cia…………. Hunto
nos lo logra!
