Page 25 - DIARIO 9 AUGUSTUS 2021 COMPLETO.indd

DIALUNA 9 AUGUSTUS 2021 DIARIO PAGINA 25
Un total di 19 mucha y

hoben a participa na e
vakantie kamp di FAVI

ORANJESTAD (AAN): Tur aña FAVI ta organisa diferente actividad
den vakantie pa mucha y hoben cu tin un limitacion di bista. Esaki
kiermen sea e mucha of hoben no ta mira bon of ta ciego.
Den e kamp ta boga pa e mucha y hoben participa
activamente y semi independiente. Pa FAVI ta importante pa e
mucha of hoben experencia y desarolla abilidadnan cu lo por yude
den su bida diario. Tambe ta motiva e mucha of hoben pa ta mas
activo den comunidad.
E kamp 2021 di FAVI tabata yena cu retonan entre otro
siña core skateboard y hike. E kamp ta completamente gratis pa
e mucha y hoben cu tin un limitacion visual. Su ruman of famia
sercano ta wordo invita pa tambe forma parti di nos kamp.
Un total di 19 mucha/hoben a participa na e kamp di FAVI.
E kamp aki ta posibel danki na e sosten financiero di CEDE Aruba.
FAVI kier a gradici tur sponsor cu a haci donacion na e kamp. FAVI
kier a gradici tambe tur voluntario cu a yuda.
Si abo conoce un mucha cu kisas no ta mira mucho y no a
bin FAVI ainda, encurashe pa tuma contacto cu nan na 582-5222 of
582-5051.
FAVI tey pa duna guia y informacion pa asina bo por
sigui funciona mihor. FAVI kier a desea tur mucha y hoben un bon
vakantie y exito pa e aña escolar nobo.