Page 58 - ARUBA BANK
P. 58
Entrante prome di mei 2018 KvK
no ta tuma cheque mas
23 April, 2018
0
Entrante 1 di mei e aña aki Camara di Comercio y Industria di Aruba (KvK)
oficialmente lo no acepta ningun tipo di cheque di banco mas como forma di
pago pa su servicionan. E ultimo dia cu ainda esaki lo ta posibel ta dia 30 di
april 2018. E motibo tras di esaki ta relaciona cu e decision cu Asociacion di
Banconan di Aruba (ABA) a tuma pa descontinua e uzo di chequenan personal y
tambe chequenan corporativo como formanan di pago.
ABA a indica cu cheque ta un forma anticua y ineficiente. Algun motibo pa no
uza cheque mas ta cu cheque ta algo cu bo tin cu skirbi na man, e ta tuma hopi
tempo, y tin su riesgonan manera: falsificacion, falta di fondo, expone e cliente
y tambe e ta tuma mas tempo pa pasa e placa. Pa mas informacion bishita
www.checkoutaruba.com.
KvK kier recorda cu bo pagonan por wordo procesa sea via un transferencia
online, den placa efectivo, of via e ATM na bali di recepcion di KvK. KvK ta spera
cu tin comprension y cooperacion di parti di tur clientenan pa cu e decision aki.
