Page 59 - AHATA

E dia aki ta un oportunidad pa rectifica nos accionnan pasa y duna un bida nobo na nos
planeta stima. Na e momentonan aki, ni un hende tin duda cu e cambio climatico ta
existi y cu e no ta ciencia ficcion.

E alteracionnan cu e yegada di hende y su desaroyo como especie a trece cune, a pone
den evidencia su ignorancia y poco inteligencia tocante e naturalize ay medio ambiente.
Kiermen, tocante su mesun cas y su alrededornan, na unda e ta haya e recursonan cu
ta imprescindible pa su sobrevivencia.

Consecuencianan nefasto, futuro incierto:

E modelonan di desaroyo a resulta un rotundo fracaso den sentido cu nunca a tene

cuenta cu e efectonan den un futuro lehano. E agricultura y ganaderia intensivo, e
deforestacion y e rosamento di selvanan tropical, e produccion na gran escala cu ta
genera miyones di residuo, e utilizacion di clorofluorocarbono, entre otro aspectonan, a
aumenta e temperatura ambiente di nos planeta, y como consecuencia e temperatura

di lama; locual a causa e descongelacion di e glaciarnan y di e polononan, elevando e
nivel di lama of e incremento di horcan, como parti di e efectonan.

Tur esaki a aumenta e acidificacion di e Oceanonan y e inundacion di e zonanan

costero, mescos cu e perdida di reservanan di awa dushi; y finalmente, a crea un
deterioro di e biodiversidad, aumento extremo di e clima, e avance inexorable di
erosion y desierto, agotamento di e recursonan natural, y logicamente, mas sufrimento
humano cu e fenomeno di migracion di e cambionan climatico.

E cambionan ta visible:

Aki na Aruba, nos ta mira y sinti aña pa aña e fenomenonan aki di cambio. No

solamente e hecho cu nos isla ta birando mas y mas caluroso cada aña, unda cu e
yobidanan ta merma, pero tambe e comportacion di nos specienan di pahra cu ta muri
door di e secure di nan habitat. Un fenomeno mundial.

E cambionan climatico aki ta trece malesa. Na Aruba nos ta mira con cada bez tin un
virus nobo, sea griep of otro tipo cu ta afecta nos salud grandemente.