Page 21 - CITGO

Awe e minisro cu tabata encarga, kende a haya e apodo, Mike the Mess, hunto co otro
politiconan ta grita “wak Gobierno nobo tambe ta haci uzo di Hedging.

Wel semper WEB Aruba NV semper tabata haci uzo di Hedging, pero na un bon forma,

nan no a haci un MESS di hedging, manera Mike de Mesa si a haci.

Mester investiga e Hedging cu a termina na december 2017.

Segun Wolff di SEPPA, tog un investigacion mas profundo di con a uza e hedging di
2015 pa 2017.

Mester tabatin algo mas ey tras, pasobra e expertonan trahando na Web nv no tabata

di e kens ey pa introduci un hedging asina bobo y malo pa Aruba.

Awor director di WEB nv ta papia di plan pa cumpra gas di afor y tambe di e plan di gas
natural for di Venezuela pa e refinaderia y tambe pa Web nv.

Kico a pasa cu e plannan di Eco-Tech pa produci gas. Nos no ta tende nada mas.

Nos no mester lubida cu tabatin un planta di Eco-Tech pa produci gas for di desperdicio,

cual segun informacionnan a fracasa.

Segun otro informacionnan e costo di su prijs pa e por produci gas pa Web nv por uza,
tabata halto, comparativamente banda di $75 pa $80 na e prijs di crudo.

Informacionnan poco tempo pasa tabata bisa cu Web nv tambe a haci inversionnan den
e planta aki. Tur hende sa cu durante e tempo cu e decision a cay pa e Hedging bieu,
dos persona den e hunta di comisariado di Web nv tabata liga na e doño di Eco-
Tech. Igualmente e dos ministronan Mike y mas, sigur tabata pensa ariba e principal

dunador di placa pa campaña.

Pesey un bon investigacion di e hedging bieu ta na su lugar y no mester descarta un
encuesta parlamentario, ya cu ta trata di un compania estatal y ta algun cien miyon

pueblo mester a paga na recibonan di Awa y Corriente.

Riba e grafico por mira e desaroyo di prijs di Texas (Light) crude oil di e ultimo 5
añanan