Page 7 - FUNDASHON LOTTO PA DEPORTE

DEPORTE A19
Diaranson 27 December 2017

Royal Power Tat Fat Home Depot a cera aña cu su Christmas Dinner

ORANJESTAD - Durante fin di siman ultimo e ekipo di SV Royal Power Tat fat
Home Depot a tene su Christmas Dinner. Esaki a tuma luga na residencia di Mama
Sofia na Sta Cruz. Esaki ta segun e relato cu nos a ricibi.
Manera ta e custumber desde cu a cuminsa uza e nomber Royal Power na aña 2003 semper a
tene sea un dinner of un party na final di aña. E aña aki sinembargo a tene esaki den un formato
mas chiquito esta un Christmas Dinner. E anochi tabata uno cu hopi ambiente, segun e relato.
Presidente di e organisacion Endy Croes a hiba palabra gradiciendo tur presente splicando
cu por mira atras riba un aña exitoso conkistando 2 titulo nan di mas importante atrobe tanto
Champ of the Champs 2017 cual por cierto Royal Power a derota Mariners 1-0 den un wega
yena cu hopi emocion y sigur un senjor final pa fanaticada y tambe a bolbe ripiti reteniendo
nan titulo campeon AA fastpitch Aruba.
Esaki ta di 13 campeon di fast pitch den 14 aña participando cual sigur ta un record na Aruba.
Na mes momento Royal Power a logra titulo nan personal manera Champion Pitcher Jomark
Flanegin cu 8-1, Champion Homerun Kelvin Silvania cu 6, titulo di MVP den Champ of the
Champs pa nombr’e algun. Mester papia riba cosnan cu a bay menos bon tambe por ehem-
pel Copa Noord pero lo yama un reunion den Januari pa cu esaki. Tambe Endy a splica cu
aña 2018 ta bay ta yena cu actividadnan unda entre otro ASB lo importa 5 pitcher di un nivel
halto y lo duna 5 ekipo miembro di ASB un pitcher y asina lo hunga un Liga Special prome
cu campeonato oficial. Royal Power lo melita den e Liga Special pa prome biaha. Esaki ta pa
nos batiadonan siña custumbra y mira lansamentonan di un nivel internacional y mas halto. Pa
locual ta trata Champ of the Champs 2018 esaki lo tuma luga 25 juni pa 1 di juli. Tin 5 ekipo
internacional cu a confirma caba cual lo haci Champ of the Champs 2018 uno hopi intere-
sante. Royal Power lo bay efectua un biahe pa competi contra poco ekipo fuerte den exterior.
Directiva di SV Royal Power ta gradici tur patrocinadonan y muy specialmente Heineken y
Romar Trading kendenan semper a kere den e famia di Royal Power. Un Bon Pasco y Felis
Aña 2018.