Page 13 - LOTTO

AWEMainta Diamars, 6 Juni 2017 23

Faltando 2 wega di play-off 2016/2017

Dakota y Britannia a bay cu victoria

importante den Division Honor

E play-off di Division Honor a bira mas emocionante
despues di e weganan di fin di siman. Falta 2 wega mas
p’asina por bisa, kendenan lo bay hunga e final di “Best
out of 3”.
Diabierna anochi un biaha mas Britannia a topa Deportivo
Nacional. Den 11 minuut di wega Britannia a bay ‘riba cu
gol di Jonathan Ruiz, mientras cu na 20 minuut di wega
Reiner Paraez a anota e di dos gol pa Britannia.
E mitar tempo a bay aden cu Britannia ganando. Den e di
dos tempo na di 53 minuut di wega Roy Francis Albert di
Deportivo Nacional a anota gol. E wega a continua fuerte,
pero na final Britannia a bay cu e victoria.

Diasabra anochi RCA a enfrenta Dakota den un wega
unda Dakota mester a gana pa tin chens di avansa. Na di
25 minuut di wega Ricky Hodge a anota gol pa Dakota.
E wega a continua fuerte unda cu RCA tabata busca e gol
di empate, pero no a logra esaki. E wega a termina 1-0 na
fabor di SV Dakota.
E standing pa awor ta Britannia na prome lugar cu 8 punto,
Deportivo Nacional na di dos lugar cu 7 punto, Dakota
na di tres lugar cu 7 punto y RCA na di cuater lugar cu 6
punto.

P’e dos weganan cu ta sigui, mester ta cla p’e ekiponan den
final, cu un empate lo no yuda nan, pasobra awor ta gana so
mester gana pa por sigura Bo posicion den e playoff final.
Cada un derota lo por nifica cu e ekipo ta cay afo di e bataya
pa bira campeon di e liga di Division Honor 2016/2017
di Arubaanse Voetbal Bond.

E weganan lo continua diahuebs awor dia 8 di juni unda cu
Britannia lo enfrenta RCA, mientras cu diabierna dia 9 di
juni Deportivo Nacional lo enfrenta Dakota. Yega stadion
pa mira ken lo bay hunga den final di “Best out of 3”.