Page 109 - min.vos

Censo a confirma cu documento di futbolista a wordo saca
illegalmente
Tuesday, 26 May 2015 13:38

Comparti

Den e dianan aki tin henter un discusion relaciona cu futbol na Aruba. Ta papia di teamnan cu a perde y
hende cu a schrijf uit y cu lo no mag di hunga e final di campeonato etc. E confidencial di e trahadornan di
Censo ta importante y investigacion a cuminsa internamente segun e hefe di Censo Sharin Luydens. Dos
persona di Britania a acerca un of mas trahador di Censo y asina via uno a logra pa e duna un declaracion
di Censo.

E trahador ta bisa cu ningun mal intencion el a haci esaki segun Sharin Luydens. Un rapport a wordo
traha y departamento di recursonan humano lo atende esaki riba posibel castigo. Tur cos constata den e
caso aki e departamento di recursonan humano lo mira kiko ta e castigo pa adapta na algo asina. Tur
nomber cu wordo busca den e sistema e ta marca den e computer ken a yama e servicio. Ta un sistema
digitaliza cu Censo tin. Ta pa salvaguardia e privacidad di tur trahador of e ciudadano. Ningun
informacion di tercera por wordo duna na otro. Via telefoon of datos di otro hende no por wordo duna den
ningun forma segun Sharin Luydens. Den e caso aki e persona a yama un amigo y bise pa saca e
documento di 5 florin. A base di confianza el a haci esaki. Si ta pa otro hende esaki no por sin un
machtiging di e donjo di curpa mes, cual su documento mester wordo saca segun Sharin Luydens. A yega
di haci excepcion pero si un conocir dibo mes a yama pidi su mesun documento di 5 florin. Ta laga esaki
na caha y ta pasa buske. Esey ta un fabor pero en realidad e maneho aki no ta acceptable. Den Censo tur
trahador ta haya trainingnan necesario pa asina sa precisamente con nan mester traha.

E trahador aki a faya y awor e mester sinta riba su blaar a base di e decision di e departamento di
recursonan humano di gobierno. Un castigo Disciplinario kizas por bin pa e trahador aki. Bai yuda un
amigo y awor cu e problema di futbol a bira henter un issue unda e trahador di Censo a sali perhudica
tambe. E amigo mes a wordo pidi pa bin duna un declaracion na Censo pa e rapport traha pero den e caso
aki el a prefera di keda sin bin y awor esun mas perhudica ta keda e trahador di Censo cu a haci e amigo
un fabor. E documento aki a wordo pidi pa haci algo di mala fe y ora a yama tabata solamente pa un fabor
relaciona cu un team di futbol. E amigo trahando na Censo a confia esun cu a pidi esaki y awor el a salie di
malo. Esaki ta keda un les tambe pa den futuro pa tur otro empleado cu mester tene cuenta cu
actuacionnan asina por tin consecuencia pa nan trabou.

http://www.24ora.com/local-mainmenu-5/95558-censo-a-confirma-cu-documento-di-futbolista-a-
wordo-saca-illegalmente