Page 26 - MIN VOS 1 DEC 2015

Djamars 1 Desèmber 2015 41

SOSEGA NA PAS Kontinuashon di pagina 2
94 HENDE MAS A...

totalidat. Ku e sifranan
aki nos por konkluí ku
Kòrsou falta hopi pa
ku prevenshon i tambe
informashon.

Famia Plania ke hasi
un yamada na tur sektor
konserní pa sinta na mesa
huntu pa asina por yuda
traha riba e loke falta pa
pueblo ta mihó informá.

Tambe Famia Plania
ta informá ku for di 23 di
sèptèmber di e aña aki FP a
sera un akuerdo ku GGD den
kuadro di e investigashon
piloto ku GGD a bin ta hasi
tokante hasi un tèst pa bo sa
bo status.

Famia Plania ta informá
ku ya a hasi tèst bou di
250 persona pa asina
konsientisá nan tambe
riba e importansha di sa bo
situashon. E meta di Famia
Plania den e kuadro aki ta
pa yuda eduká i stimulá
personanan seksualmente
aktivo ku nan tin ku kuida i
ta bon pa sa bo status.

Ta importante pa eduká
pueblo di Kòrsou riba e
importansha di sa na tempu
si bo ta positivo, i tambe ta
importante pa eduká un
persona ku si e ta negativo
ki importansha tin pa e sigui
kuida su kurpa pa e no keda
kontagiá ku e vírus di HIV.
Kòrsou mester kuminsá
ku mas kampana agresivo
tokante HIV, mundialmente
por tuma nota kon ta traha
i eduká e pais nan di e vírus
aki. E vírus aki ta un ku tei
pa keda, hopi vírus a bin i
bai, a pone atenshon na
tur, algun a keda kombatí i
algun bo no ta tende mas di
nan.

HIV tur aña di nobo
kantidat di persona infektá
ta sigui subi i esaki ta
afektá kahanan di gobièrnu
mirando ku e remedi i kuido
ku e personanan ta risibí.
Pues ban traha pa eduká
i informá nos komunidat
pa asina sifranan ku ta
oumentá kuminsá baha.

Pa kualke informashon
por tuma kontakto ku Famia
Plania 461-1323.