Page 15 - MIN ECEM
P. 15
OTMAR ODUBER: CURA CABAY Y ZEEWIJK
POR TA HOPI ORGUYOSO DI UN BUNITA
PROYECTO EHECUTA
July 24, 2017 Admin Uncategorized Leave a comment
Piscadornan, habitantenan y turistanan lo disfruta di esaki
Desde cu a descentralisa e maneho di nos piscadonan bou di e maneho di e
Minister anterior encarga cu pesca sr. Otmar Oduber, a logra cu por a drecha un
cantidad di piernan round di Aruba. Entre otro por pensa riba e pier di Rancho, e
pier di Spaans Lagoen, Pier di Hadicurari y otronan. Un di nan cu sigur a conoce
un expansion ya for di mas o menos 5 aña pasa, ta esun di Cura Cabay/Zeewijk
y besindario.
Mas o menos 2 aña pasa a cuminsa e di dos fase di e proyecto di Cura Cabay/
Zeewijk cu tabata a base di e necesidad y anhelo cu tabatin di e piscadonan di e
bario. Durante di diferente reunionnan cu a wordo teni cu e piscadonan den e
besindario, a bin dilanti cu nan tin e necesidad pa un caminda di warda nan
material/ekipo como tambe un pier mas moderno cu baño, cushina etc.
Naturalmente tambe un creacion di un infrastructura, contrario na loke e tabata
e situaciom anteriormente.
E inversion total cu a wordo haci den esaki como tambe e beach di Zeewijk cu
tambe a conoce henter un adelanto, ta di algo mas cu 2 miyon florin.
Combersando cu e piscadonan, nan ta masha contento mirando cu awo e
proyecto ta kedando cla, ainda falta diferente cos por ehempel iluminacion cu
mester bin.
