Page 43 - Newspaper Clippings KPA Jan 13, 2015

algo usual, no ta algo cu ta wordo siña y no ta parti di un trabao, pero “boso ta ser humano cu ta traha di
curason.”
Alto Comisario Richardson ta di acuerdo cu e señora su opinion y expresion. El a splica cu ta normal cu e
trabao di un Polis en realidad ta caba na momento cu e persona a fayece y otro servicionan ta tuma over.
Pero, e tres agentenan aki a bay “the extra mile” cu un humildad y sentido di humanidad ehemplar.
El a bisa cu poco ta esunnan cu ta traha cu amor pa nan trabao y e agentenan aki ta pone cu Alto Mando
ta carga e speransa cu e Polis ey ta existi ainda. “Bo no por siña stima bo prohimo, bo ta asina ey
pasobra boso a ser lanta asina,” el a bisa. El a agrega, “Danki pa representa tur locual cu nos ta kere
aden. Si mi por scoge mas manera boso lo mi a haci’e. Esaki ta locual cu mi kier mira den Cuerpo
Policial, Boso a pone nos tur kere cu ainda tin Polis di curason.”
Brigadier Rolando Ras a expresa, “Ta pa e rason aki bo ta kies pa bira Polis, pa yuda hende, no pa e
reconocimento si. Bo ta haci’e di curason. Loke colega Courtar y Franken a haci riba e dia ey a yuda e
señora inmensamente hopi.” El a bisa cu señora a keda hopi gradici pa esey y su siguiente dia nan a bay
bek y follow up. Asina e señora sa cu tin hende ta preocupa p’e y ta corda riba dje den su momentonan di
tristesa.
Ras a añadi cu no tabata nan intencion pa loke nan a haci for di nan curason yega te na Alto Comisario y
tin hopi colega cu ta haci hopi bon trabao tambe cu amor pa nos comunidad y e ta spera cu un dia nan
tambe ta wordo reconoci pa esaki.
“Gara ladron, combati criminalidad, etc. ta trabao diario di un Polis. Sirbi cu honor y dignidad ta bin di
curason”, asina Alto Comisario Dolfi Richardson a conclui bisando.