Page 21 - BNDIA ARUBA

a21
bista politico Diabierna 27 December 2019

Gastonan ta sigui subi den presupuesto complementario 2019

ORANJESTAD – Parlamento di Aruba a ricibi e ley di
presupuesto complementario 2019 y den menos cu 24
ora miembronan di Parlamento a haya oportunidad
pa haci preguntanan por escrito, ricibi e contestanan y
trata e proyecto di ley. Un presupuesto complementa-
rio supuestamente neutral, sinembargo esaki no ta ni-
fica cu no tabata tin gastonan cu no tabata presupuesto
inicialmente.

“E deficit cu a ser presenta mester ta 14 miyon di florin mas
hopi, si sigui e palabracionnan haci den e protocol di 2018.

Mientras cu e presupuesto ta parce di a cumpli cu e nor-
manan, Gobierno a opta deliberadamente pa pone e palabra-
cionnan haci cu Hulanda un banda, como tambe consehonan
di e CAFT y Raad van Advies,” segun Parlamentario Richard
Arends (AVP) na final di e reunion.

“Compara cu aña pasa e gastonan a subi un biaha mas cu 14
miyon di florin, despues di a subi caba cu 100 miyon na 2018
y 30 miyon na cuminsamento di 2019.

Entradanan pa e aña aki tabata 100 miyon mas cu aña pasa
door di diferente medidanan cu a wordo introduci riba lomba
di pueblo y comercio,” Arends a splica den un analisis cortico.

Mei-mei di aña Gobierno a presenta su reporte di entrada
y gastonan y algun siman atras e nota di fin di aña, of naja-
arsnota. “Niun di e informe aki ta cuadra cu e presupuesto
complementario a wordo trata,” segun Arends cuestionando
e informacion suministra.

“Den e ultimo siman aki Gobierno a pidi Parlamento su ge-
voelens den tres ocasion pa aumento di gasto di e aparato gu-
bernamental, e.o. pa Serlimar, sin duna un splicacion detaya
riba e contenido. Riba dje a entrega un Nota di Cambio du-
rante reunion cambiando e cuadro financiero un biaha mas”.
Gobierno un biaha mas no a duna oido na e recomenda-
cionnan di CAFT cu a conseha pa identifica su gasto y en-
tradanan incidental for di esunnan structural. “Pa loke ta spera
nos otro aña, tambe Gobierno no a duna ningun informacion:
pueblo lo cera aña atrobe den un incertidumbre. No ta conoci
ki dia e siguiente fase di e reforma fiscal lo drenta na vigor y ni
kico lo ta e embergadura di e medidanan aki.

Prome Minister a haci palabracionnan na Hulanda y Parla-
mento ta keda un biaha mas sin sa kico e consecuencianan ta.
Loke a sali den medionan di prensa te awor ta un aumento di
deviezenprovisie cu 20% cu lo tin consecuencianan grandi pa
poder di compra y tambe e peso di haci negoshi,” Sr. Arends
a bisa.