Page 2 - AB

DIARANSON 27 AUGUSTUS 2025 DIARIO PAGINA 5
Cu gran orguyo Gobierno a

celebra yegada di e ekipo

Sub-Campeon International

di Little League World Series

ORANJESTAD (AAN): Dialuna atardi, e ekipo di Base-
ball di Aruba cu a duna un tremendo presentacion na
e Campeonato Mundial di Little League Baseball cu a
tuma luga na Williamsburg, Estados Unidos, a yega Ar-
uba. Na Aeropuerto Internacional Reina Beatrix, Prome
Minister mr. Mike Eman hunto cu Minister di Deporte
mr. Gerlien Croes den nomber di Gobierno, a duna e
Sub-Campeon International un caluroso bonbini.
Prome Minister Eman, cu un sentido grandi di orguyo
y admiracion, a remarca con e talento di e hobennan di
un isla, por sobrepasa e factor cu nos ta un isla chikito.
Pa Gobierno esaki ta un momento pa reconoce nan logro
pero tambe transmiti e sentido cu Aruba a convivi cu nan
durante cada wega. Apesar cu nan a titula Sub-campeon
Internacional, cada stap ta un stap mas cerca di triunfo.
Durante e campeonato na Williamsburg, Minister Ger-
lien Croes a biaha pa Merca y a firma un acuerdo cu e
organizacion di Little League World Series pa na 2027
organiza e campeonato mundial aki mes na Aruba y lo
ta bunita si Aruba por bay cu e titulo maximo aki mes
na cas.
Pa celebra e logro grandi di e hobennan aki, Gabinete
AVP-Futuro a organiza un parada pa celebra hunto cu
e pueblo di Aruba. Inicialmente, mirando cu e hoben-
nan tabata basta cansa, despues di a duna nan maximo
esfuerso durante e ultimo partidonan, y e biahe cu a dura
varios ora, a opta pa tene e parada cortico pero mirando e
expectativa pa celebra hunto cu e hobennan, a opta toch
pa haci e ruta mas largo y pasa den e cayanan di San Ni-
colas y caba e parada na Centro di Bario Dakota.
Gobierno di Aruba, cu un sentido profundo di orguyo,
ta felicita e hobennan, e ekipo tecnico, mayornan y tur
esnan cu a forma parti di e exito di e ekipo aki.