Page 3 - AAA MRCH 23

Aeropuerto di Aruba a celebra Aruba su Dia
Nacional di Himno y Bandera en grande!

Tuesday, 22 March 2016 16:42
Comparti

E anja aki Aruba Airport Authority N.V. (AAA) a dicidi di celebra Aruba su Dia Nacional di Himno y
Bandera door di parti bandera di Aruba y cookie den forma di Aruba na pasaheronan yegando y
saliendo for di Aruba riba 18 di Maart entre 12:00 pm y 4:00 pm.
Pa haci e dia aki mas special pa e pasaheronan saliendo y yegando Aruba, Aeropuerto di Aruba a aserca
Aruba su reinanan di beyesa actual bisti den shimis folklorico pa yuda parti e regalonan. Pasaheronan
tabata hopi contento pa mira beyesanan Arubiano y a haci uso di e oportunidad pa saca potret y
combersa cu nos reinanan di beyesa.
Aeropuerto di Aruba ta gradici Miss Aruba World Nicole van Tellingen, Miss Aruba 1st Runner-up
Thalia Croes, Aruba su Reina di Carnaval Sukienne Copra, Miss Teen Aruba International Hillary
Gibbs, Miss Grand Prize Beauty World Daniella Piazzi and Miss Teen Model Shevonne Mejia cu
dibiaha a accepta pa yuda Aeropuerto cu e trabou.
Pa pone un toke special na e dia cultural aki, AAA a dicidi pa toca solamente canticanan localmente
produci den aeropuerto pa asina tur pasahero cu yega of sali por scucha.
“Arubianonan ta orguyoso di nos aeropuerto y nos ta orguyoso di por contrinui na Aruba su dia
cultural. Mi kier gradici tur esnan cu tabata parti di e iniciativa aki, y mirando e resultado, mi ta sigur
cu nos lo sigui contribui na otro festividadnan local tambe den futuro,” asina CEO di AAA Sr. James
Fazio a bisa.

http://www.24ora.com/local-mainmenu-5/106730-aeropuerto-di-aruba-a-celebra-aruba-su-dia-
nacional-di-himno-y-bandera-en-grande