Page 29 - HOH

Parlamentario Edgard Vrolijk (MEP): “Percura

Serlimar Ser Stabilisa Financieramente, Y Soluciona

E Dump Di Parkietenbos Y Problematica Di Sushi”

 Politica
- 08/10/2019

Diaranson 2 di october a cuminsa cu tratamento di e cambionan pa loke t’e ley di
Serlimar di 2005 den Parlamento. E ley den su concepto cu a ser entrega na Parlamento
tin como meta pa percura pa Serlimar ser stabilisa financieramente, pero tambe trece
solucion p’e dump di Parkietenbos y percura pa por tin un solucion a largo plaso p’e
problematica di sushi.

Den e proceso aki nos a scucha hopi instancia cu a vocifera nan preocupacionnan p’e
cambionan den e ley aki unda nos a scucha e.o. KvK, ATA, AHATA, Ecotech,
habitantenan di becindario di Dump, segun Edgard Vrolijk di MEP.

CREA BALANCE DEN LEY
“Nos como Parlamentario y manera nos constitucion ta duna nos e autoridad di por trece
cambionan den ley – despues di scucha tur persona, grupo y compania preocupa – a
cuminsa e proceso di dialogo cu Gobierno relaciona cu e preocupacion existente y alabes
tambe nos a prepara algun amienda p’asina por trece balance necesario den e ley p’e por
tin e draagvlak di pueblo cu ta para cu mester bin un solucion pa dump y tambe pa tin un
maneho concreto pa locual ta desperdicio na Aruba”, segun Edgard Vrolijk.

CAMBIONAN DEN E LEY