Page 40 - AVP

De Graaf a categorisa esaki tambe como un novum den Reino Hulandes cu un gobernante
ta exigi retiro di un miembro di Parlamento.

Parlamentario Andre Bosman (VVD) na su turno a bisa cu Minister-President di Aruba
no por sigui culpa Hulanda di e falta di efectivad di su maneho riba tereno di integridad
den su mesun Gobierno.

Andre Bosman (VVD) a cita Prome Minister di Aruba unda cu e ta indica cu Aruba tin
plannan ambicioso riba tereno di integridad, pero cu ehecucion di esaki ta
wordo atrasa dor di e presion cu Hulanda ta pone riba reduccion di gastonan di Gobierno,
specialmente gastonan di personal.

Segun Bosman, Prome Minister Wever-Croes no ta compronde net nada di e materia,
pasobra ta hustamente a gastonan di personal t’e base di tur e problemanan.

Nepotismo y vriendjespolitiek ta reina y unda cu gobernantenan ta debolbe fabornan
politico na amigo y conocirnan. Bisando esaki, Parlamento Hulandes ta cuestiona si e
falta di efectividad di e maneho di integridad ta genuino of puro casualidad.
E preguntanan haci na Secretario di Estado Raymond Knops (CDA) tabata hopi al caso y
ta subraya e preocupacionnan den comunidad di Aruba.

Tratamento di presupuesto di Ministerio di Binnenlandse Zaken y Koninkrijksrelaties lo
sigui awe diahuebs unda cu Secretario di Estado Raymond Knops (CDA) lo contesta e
preguntanan haci den prome tanda riba su area di maneho.