Page 2 - GARAGE CORDIA

AWEMainta Diahuebs, 24 Augustus 2017 21

Jasmine Simon, Director adhunto di AIB

a ricibi e prome Lexus NX300 den Caribe

GARAGE Cordia a haci entrega di yabi di e auto nobo, esta un
Lexus NX300, na AIB Bank N.V. Director adhunto di AIB Bank
N.V., Jasmine Simon, tabata contento di ricibi e auto cu tanto nan
tabata warda riba dje. Garage Cordia a entrega e prome NX300
Lexus, cu pa algun aña caba tabata purba di haya esaki pa Aruba.
E modelo aki ta uno hopi gusta rond di mundo, asina CEO, Danilo
Werleman a expresa. Pa por a trece e auto aki Aruba, a tuma su
tempo pasobra Lexus kier pa trece e autonan n’e momento corecto
den mercado.

Entrega di auto na Jasmine Simon a bay hopi bon, kende un biaha
mas a pone su confiansa den Lexus y e ta prome persona cu a ricibi
e modelo di auto aki den henter Caribe!
E auto aki ta Hybrid y esaki ta loke Toyota Lexus ta kere den dje.
E Lexus ta un auto cu no unicamente ta luho, pero e tin calidad y
ta duradero.

Mester a bestel e modelo di e Lexus aki, pasobra aki na Aruba no
tin e y awor AIB N.V. t’esun cu lo core cu e modelo aki na Aruba.
“Mi ta contento cu awor el a yega y mi por a logra cambia e auto”,
Jasmine Simon a comenta. E Lexus aki ta mas grandi y mas bunita
y esaki a pone cu Jasmine Simon ta mas contento atrobe cu su auto.
E auto anterior ta un Lexus cual pa basta tempo e ta famia di e
modelo aki. E ta haya cu e calidad di Lexus ta bon, e ta represen-
tativo, e auto ta mustra nechi unda cu bay.