Page 21 - MIN VOS 6 jan,2016

PAGINA 16 DIARIO DIARANZON 6 JANUARI 2016

Un Sala Completo a purba nan suerte den Bigger Better Bingo.. Impresionante Ultimo Despedida na Machi Fanky
E siguiente Bigger Better Bingo lo ta riba “Dia di Betico”... un Gran Mama di e Bario di Noord...

** Un sala yen a purba nan
prome suerte den e grandioso
Bigger Better Bingo cu a tuma
lugar diadomingo ultimo den
e elegante Seaport Conven-
tion Center. E premio gordo
di 30 mil florin a ser gana pa
dos felis participante. Crystal
& Seaport Casino ta anuncia
cu nan siguiente Bigger Bet-
ter Bingo lo bai ta riba Dia
di Betico Croes 25 di Januari
proximo

** Ayera na Misa Santa Ana na Noord, a tuma despedida di
un gran Mama di e bario di Noord. Machi Fanky ta Mama di
e conocido futbolistanan Giel di ex Bubali y Deportivo Nacio-
nal. Tambe ta Wela di e conocido ex Politico Car Giel, kende
a expresa di e forma aki riba su FB: “Ela wak Palm Beach sin
ningun hotel. Ela wak Lago bin y bay. E tabata na bida durante
e promer y segunda guerra mundial. Ela wak Aruba cambia di
algun simple cas aki aya pa e Aruba di awe. Ela lanta 14 yui y
un monton di nieto y bisanieto, hasta tataranieto. E la biba un
bida pleno y contento rondona di su famia grandi. Awe Dios a
disidi cu e momento pa bin serca dje a yega y e mester bandona
e famia pa Cas Celestial. Machi Fanky sosega na paz.
Francisca Giel Christiaans
*1916- +2015.

Deportivo Nacional/Washington a cende nan
tradicional Pagara pa bira Campeon...

** E gran famia di Deportivo Nacional/Washington a bolbe uni
riba e ultimo dia di aña 2015 pa cende nan tradicional Pagara. E
biaha aki a conta cu presencia di e leyenda cantante di Doble R,
Mr. Saab. Na e ultimo tiro, a grita GOALLL como CAMPEON..