Page 40 - MIN VOS 6 jan,2016

Pagina 28 Diarazon 6 Januari 2016

Subway Aruba ta aporta na deporte y
movecion di muchanan

Donacion pa Colegio
Frere Bonifacius

Subway a demostra durante henter 2015 cu nan ta
para duro tras di e pensamento di come saludabel y
biba saludabel. Ademas di organiza y patrocina varios
actividad di deporte y movecion, net prome cu e aña
a caba, a realiza un donacion masha util na un school
basico. E material ta bay percura pa muchanan di Colegio
Frere Bonifacius por keda activo y den movecion durante
e añanan nos dilanti. E donacion tabata posibel danki na
e cooperacion entre Fundacion Playing It Forward bao
maneho di David Cohen y Subway Aruba.

Cabezante di e school na Oranjestad, Juffrouw Arline
Kock hunto cu docente meneer Derek Peterson a ricibi
e donacion for di man di David Cohen di Fundacion
Playing It Forward y Jaime Maduro di Subway Aruba.

Peterson a expresa un gratitud enorme pa cu e gesto ya
cu e school tabatin mester di e ekiponan aki pa realiza
e lesnan di gym y tambe pa e muchanan por hunga den
pauze.

Subway Aruba ta sumamente contento di por hunga un
papel den tipo di iniciativanan aki cu ta fomenta movecion
y salud mey mey di nos muchanan. Un danki special ta
bay tambe pa Cargo International na Miami como tambe
Bon Bini Cargo aki na Aruba pa e coperacion pa trece e
articulonan Aruba. Bishita Subway Aruba su Facebook,
pa asina keda informa di tur actividad cu Subway Aruba
ta trece na bienestar di comunidad en general di Aruba.