Page 52 - MIN VOS 6 jan,2016
P. 52
8 AWEMainta Diaranson, 6 Januari 2016
Oscar Tromp a fayece
AYERA merdia, a drenta serca nos e triste noticia cu e conocido ciudadano, Oscar
Tromp a bay laga nos.
E tabata malo, a keda opera na Venezuela,
unda e ta biba, despues di a baha cu pensioen,
pero di acuerdo cu un miembro di famia,
el a haya un virus den e hospital na Venezuela,
cu a cuasa su morto.
Oscar Tromp ta conoci, como un empleado di Servicio Postal na Aruba pa hopi aña
y manera menciona, despues di a baha cu pensioen, el a muda pa San Felipe, Estado
Falcon na Venezuela. Maske e tabata bin cu frecuencia Aruba. Ainda aña pasa e tabata
presente na un di e Happy Hournan cu a bira famoso cu ta na Djispie’s, anima pa Etty
Toppenberg y su grupo di amigo.
Oscar Tromp ta gusta deporte y prome di a muda, el a forma parti di Extra Sluggers,
cu ta un team di muchanan di Socotoro.
Di acuerdo cu un miembro di famia, e acto di entiero di Oscar Tromp, lo tuma lugar
na Aruba, pa cual e dia y ora lo keda anuncia despues.
Na su famia ta bay nos mas sincere condolencia.
