Page 15 - HOH

Diabierna, 27 August 2021 AWEMainta.com 11

Les di cuarta y guitara na Club Kibrahacha 60+

Den luna di september Club Kibrahacha
hunto cu Scol di Musica Rufo Wever ta

continua cu lesnan di cuarta y guitara.

Lesnan di cuarta ta tuma lugar tur diahuebs y
les di guitara ta tur diamars. E orario nan di les

ta entre 2’or di merdia pa 5’or di atardi. Cada
les tin un duracion di 45 minuut.

Lesnan ta tuma lugar den grupo chiquito. Tene

cuenta cu e cupo nan ta limita.
Si bo ta interesa of conoce un persona cu ta
interesa pa participa na nos actividad, por
yama nos libremente na

telefon: 582-8159 of manda nos un mail na
info@clubkibrahacha.com,
tambe por manda un Facebook message riba
nos pagina Club Kibrahacha 60+.

Aruba a registra un

morto mas y 87 caso

positivo nobo di

Covid-19

Di acuerdo cu e resumen di DVG di ayera
tin un total di 87 caso nobo di Covid-19
a keda registra cual 8 ta turista y 79 ta
residente y 117 persona a recupera. E

cifranan aki ta representa un ‘Positivity
rate’ bou di nos residentenan di 28%.

Cantidad di casonan activo di Covid-19

p’ayera ta 700 y cantidad di fayecidonan
relaciona cu Covid-19 a aumenta na 133.
Forsa na famia di e fayecido.

Datonan di Covid ta ilustra casonan nobo
cu un average semanal di 81 caso pa dia y
un average di ‘positivity rate’ semanal di
25% pa dia.

Tin actualmente 71 persona interna cu
Covid di cual 13 ta den ICU na Aruba,
16 den ICU na Colombia y 40 riba piso

general na Aruba.