Page 38 - FUNDASHON LOTTO PA DEPORTE
P. 38
di torneo esaki cuminsando diahuebs riba Dia di Betico y lo termina diadomingo 28 di
januari.
E weganan mas cu claro lo ta den e clubhuis situa na Nieuwstraat 11. E torneo aki ta
conta pa rating y tambe pa puntonan di FAA. Lo por competi den e categorianan di U-12,
U-18 y Open mientras e torneo aki lo bira tambe e prome torneo pa loke ta e calendario di
actividad den e aña deportivo 2018. Mester bisa cu lo inicia diahuebs 25 di januari cu e
categoria U-12 kendenan lo hunga un total di 7 buelta cuminsando pa 10or di mainta pa e
prome tres lugarnan,caminda es sernan femenino y masculino lo haya trofeo. E Copa
Betico Croes den ahedrez lo continua pa su majan diabierna te cu diadomingo cu e
categorianan Open y U-18 kendenan lo hunga un total di 5 buelta. E apertura ta programa
pa cuminsa 7.45 di anochi, mientras pa su majan diasabra lo sigui cu e torneo 3or di
atardi te cu 11or di anochi. Diadomingo e torneo Copa Betico lo finalisa unda lo hunga
prome pa 10or di mainta y 2or di atardi. Mester bisa cu aki tambe lo tin pa e prome tres
lugarnan esta den Open y U-18.
Tur aña rond di e fecha di 25 di januari, varios federacionnan deportivo ta tuma e
iniciativa pa organisa nan acostumbrado torneo Dia di Betico recordando e fecha natal di
Betico Croes den felis memoria. Un danki sigur na Lotto, e Loteria di Aruba pa medio di
Stichting Sportsubsidie Aruba cu a subsidia eeventonan deportivo enconexion cu e
celebracion riba Dia di Betico. Tur aña mayoria federacion tin riba nan calendario un
evento deportivo riba 25 di januari, celebrando asina e fecha natal di e gran estadistica
Arubano. Cumprando weganan di Lotto, e Loteria di Aruba bo ta contribui na deporte
riba nos isla. Meta di e fundacion ta pa organisa loteria, cambia bida di su hungadonan y
na mes momento inverti den deporte local pa medio di donacionnan na e Stichting
Sportsubsidie Aruba.
