Page 2 - ARUBA BANK

22 AWEMainta Diamars, 6 Juni 2017

Den division di futbol femenino

Britannia ta termina na prome lugar

DIASABRA atardi y anochi e play-off
2016/2017 di Division di Futbol Femenino di
Arubaanse Voetbal Bond a continua cu e ultimo
2 weganan di e prome buelta.
Den e prome wega RCA Damas a enfrenta Estu-
diantes RCA. Ambos team a busca pa gana, pero
na final RCA a bay cu e victoria di 5-3. Golnan
pa RCA a wordo anota pa Daphne v/d Hoorn,
Milvienne Henriquez 2 gol, Latisha Martha y
Rachelle Henriquez, mientras cu pa Estudiantes
RCA a anota Margenine Kock 2 gol y Lisandra
Fradle.

Den e di dos wega di anochi Britannia a topa
La Fama. Britannia a bay cu e victoria di 4-0 cu
golnan anota pa S. Marie 2 gol, Zahira v/d Linde
y S. Lise. La Fama no a logra anota gol aunke a
haci nan esfuerso pa pasa e defensa di Britannia.

E prome rond a termina cu Britannia na prome
lugar cu 9 punto, RCA na di dos lugar cu 6 punto,
Estudiantes di tres lugar cu 1 punto y La Fama
na ultimo lugar cu 1 punto.

E siguiente wega lo t’awe diamars 6 di juni pa
8:00 pm entre RCA y Britannia, mientras diara-
zon 7 di juni pa 8:00 pm La Fama lo enfrenta
Estudiantes. Ambos wega lo tuma lugar den
Stadion Guillermo Prospero Trinidad na Dakota.