Page 20 - ARUBA BANK

mandatario ta elabora riba e punto aki na e siguiente manera: “Den e reunion cu IMF, nos

a trece dilanti e situacion finaciero hopi desastroso cu nos a haya pais Aruba aden na

unda nos no a haya cifranan corecto. Te despues di e evaluacionnan y “quick scan” cu a

wordo haci, nos a logra haya cifranan corecto y a base di esaki nos ta preparando e plan

financiero con pa yega bek riba e caminda indica y corecto.

Mi por bisa cu tur e puntonan cu nos a presenta a cay bon cerca IMF na unda di nan

banda nan a mustra comprension y a felicita nos tambe pa e vision di Gobierno cu nan ta

haya ta realistico. IMF a expresa tambe cu na mas di un ocacion nan tawata diferencia di

opinion cu e gobierno anterior riba nan vision irealistico cu a hinca nos pais den hopi

problema financiero. Pero awo si nan ta sinti cu nan ta riba mesun linea di locual cu nos a

papia cu nan. Aunke cu ainda Gobierno no a keda cla cu tur detaye, nos ta trahando duro
pa asina cu nos keda cla cu esaki nos informa IMF”.

Prome Minister Evelyn Wever-Croes a indica cu e reunionnan cu IMF al igual cu e

conbersacionnan cu CAFT y cu Gobierno Hulandes riba e tema financiero ta bayendo

den un bon direccion. “Ta remarcabel cu tur ta sinti e positivismo, e gana y confiansa cu
tin atrobe pasobra Gobierno di Aruba ta papiando e berdad y ta treciendo e cifranan y

plannan realistico padilanti. Mi ta considera e prome reunion cu IMF aki hopi bon, cu un
tono positivo cu ta trece espacio pa tin confiansa y speransa cu nos lo yega na un

solucion”, Prome Minister ta bisa.