Page 13 - bon-dia-aruba-20211208

a13
riba caya Diaranson 8 December 2021

Accidente frontal na Noord a laga dos auto kibra y varios persona herida

Diamars merdia riba e caminda di Noord a sosode un ac-
cidente frontal y cu impacto fuerte entre un Nissan March
y un Mitsubishi Outlander. E impacto a laga dos auto basta
kibra y varios persona herida inclui un baby. Tres unidad di
ambulance a presenta di biaha unda paramediconan a brinda
asistencia di biaha na e victimanan. Polisnan tambe tabata na
e sitio pa cera e caminda evita auto yega cerca. Polis di trafico
a acudi pa haci nan investigacion y tuma dato. E heridonan a
keda transporta pa hospital pa atencion medico avansa.

Setar su End of Year Clean-Up tabata exitoso!

Den un forma di yuda y duna bek na nos comunidad,
SETAR a organisa e “End Of Year Clean-Up” du-
rante e weekend cu a pasa. A pone varios container
na diferente localidad rond di Aruba, p’asina duna e
oportunidad na comunidad pa haci nan cura y bario
limpi. Cu e proyecto aki, SETAR kier a conscientisa
tambe tur cuidadano pa mira e importancia di man-
tene nan cura limpi y pa no laga sushi acumula.

Ya den oranan trempan di diasabra por a mira un presencia
grandi di pick-up y autonan yena cu sushi, unda hendenan
den tur bario a probecha pa limpia nan cas y nan cura. Nos
ta considera e weekend aki uno exitoso, mirando e comen-
tarionan positivo cu SETAR a ricibi pa e iniciativa aki. E
necesidad di pone containernan den barionan pa tira sushi
ta algo existente y nos ta contento cu e iniciativa aki a con-
tribui na yuda tene nos Aruba mas limpi.